ຊຳຊຸງ ມອບອຸປະກອນການສຶກສາ ໃຫ້ໂຮງຮຽນປະຖົມໜອງເຂັງ

ບໍລິສັດ ລາວ​ຊຳ​ຊຸງ​ເອ​ເລັກໂຕຣ​ນິກ ຈຳກັດ ນຳ​ເອົາ​ຊຸດ​ນັກຮຽນ ແລະ ອຸປະກອນ​ການ​ຮຽນ ຈຳນວນ 120 ຊຸດ ໄປ​ມອບ​ໃຫ້ນັກຮຽນ​ໂຮງຮຽນ​ອະນຸບານ ແລະ ປະຖົມ​ສົມບູນ​ໜອງ​ເຂັງ ເມືອງໄຊ​ທານີ ນະຄອນຫຼວງ​ວຽງ​ຈັນ ພ້ອມ​ທັງ​ຮ່ວມ​ຈັດ​ກິດຈະກຳ​ທາສີອາຄານ​ໂຮງຮຽນ ແຕ້ມ​ຮູບ ຕິດຕັ້ງ​ພັດ​ລົມ ປ້າຍ​ຫ້ອງ ແລະ ຫຼິ້ນເກມ​ມອບ​ລາງວັນ​ໃຫ້​ນັກຮຽນຂອງ​ໂຮງຮຽນ​ດັ່ງກ່າວ ສຳລັບໂຄງການ Love and Care ຈັດ​ຂຶ້ນ​ວັນ​ທີ 23 ຕຸລາ 2017 ມີທ່ານ Seung ho Choi ຜູ້​ຈັດການ​ໃຫຍ່ ປະຈຳ​ລາວ-ກຳປູເຈຍ ບໍລິສັດ​ ໄທຊຳ​ຊຸງ​ເອ​ເລັກ​ໂຕຣ​ນິກ ຈຳກັດ ພ້ອມ​ດ້ວຍ​ຕາງໜ້າ​ຫ້ອງການ​ສຶກ​ສາ​ທິ​ການ ແລະ ກີລາ​ເມືອງ​ໄຊ​ທານີ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ໂຄງການ Love and Care ເປັນ​ໂຄງການ​ເພື່ອ​ສັງຄົມ​ລະດັບພາກ​ພື້ນ​ອາຊີ​ຕາເວັນ​ອອກສຽງໃຕ້ ແລະ ໂອ​ເຊ​ອາ​ນີ ທີ່​ມີ​ຈຸດ​ມຸ່ງໝາຍ​ໃນ​ການ​ຍົກ​ລະດັບ​ຄວາມເປັນ​ຢູ່ ແລະ ຄຸນະພາບ​ຊີວິດຂອງ​ຊຸມ​ຊົນ​ທີ່​ຊຳ​ຊຸງ​ໄດ້​ດຳເນີນ​ທຸລະ​ກິດ​ຢູ່​ລາວ ໂດຍ​ສະເພາະ ການ​ສຶກ​ສາ ຫຼື ສະພາບ​ແວດລ້ອມ​ອ້ອມ​ຂ້າງ ໃນ​ນີ້ ​ສປປ ລາວ ແມ່ນ​ເປັນ​ຄັ້ງ​ທຳ​ອິດ ​ທີ່​ຊຳ​ຊຸງ​ໄດ້ດຳເນີນ​ກິດຈະກຳ​ໃນ​ຮູບ​ແບບພັດທະນາ​ສັງຄົມ​ໃນ​ລັກສະນະ​ນີ້ ແລະ ຈະ​ສືບຕໍ່​ດຳເນີນ​ຕໍ່​ໄປເລື້ອຍໆ.

ຊຳ​ຊຸງ​ຫວັງ​ວ່າ​ກິດຈະກຳ​ຄັ້ງນີ້​ ຈະ​ສ້າງ​ປະໂຫຍດ​ໃຫ້​ແກ່​ຂະແໜງ​ການ​ສຶກ​ສາ​ຂອງ​ລາວ ເຖິງຈະ​ເປັນ​ພຽງ​ການ​ປະກອບສ່ວນນ້ອຍໆ​ກໍ່​ຕາມ ພ້ອມ​ນີ້ ພວກ​ເຮົາກໍ່​ມີ​ຄວາມ​ມຸ່ງ​ຫວັງ​ທີ່​ຈະ​ເດີນ​ໜ້າສະໜັບສະໜູນ​ການ​ສຶກ​ສາ​ໄປເລື້ອຍໆ ເພື່ອ​ມອບ​ຄວາມສຸກ​ໃຫ້ນັກຮຽນ​ທີ່​ເປັນ​ໜໍ່​ແໜງ​ຂອງ​ປະເທດ​ຊາດ ​ໄດ້​ມີ​ອະນາຄົດ​ອັນ​ສົດໃສ່​ຢ່າງ​ບໍ່​ມີ​ມື້​ສິ້ນ​ສຸດ.

-----------------------------------
ລາວຮ໋ອດຮິດ See New. Hear New. Feel New.