ນັກວິທະຍາ ລຸ້ນ!!! ອີກ 25 ມະນຸດຕ່າງດາວອາດຈະຕອບຈົດໝາຍກັບ

ນັກ​ວິທະຍາ​ສາດ​ສົ່ງ​ຂໍ້ຄວາມ​ໄປ​ທີ່​ດາວ​ເຄາະ​ນອກ​ລະບົບ​ສຸລິຍະ​ ຢູ່​ຫ່າງ​ຈາກ​ໂລກ​ 12 ປີ​ແສງ​ ຖ້າ​ມີ​ສິ່ງ​ມີ​ຊີວິດ​ຊົງ​ປັນຍາ​ ມະນຸດ​ອາດ​ໄດ້ຮັບ​ສານ​ຕອບ​ກັບ​ ຂະນະ​ທີ່ຜູ້​ຊ່ຽວ​ຊານ​ເຕືອນ​ ເປັນ​ການ​ຊວນຂ້າເສິກ​ເຂົ້າ​ເມືອງ.

ທີມ​ນັກ​ວິທະຍາ​ສາດ​ຂອງ​ເມ​ຕິ​ (METI) ສົ່ງ​ສານ​ເປັນ​ເພງ​ສັ້ນ​ໆ​ 33 ຂໍ້ຄວາມ​ໄປ​ທີ່​ດາວ​ເຄາະ​ໜຶ່ງ​ໃນ​ສອງ​ດວງ​ຂອງ​ດາວ​ລືກ​ GJ 273 ເຊິ່ງ​ໂຄຈອນ​ຫ່າງ​ຈາກ​ດາວ​ເລີກ​ສູນ​ກາງ​ໃນໄລຍະ​ທີ່​ເອື້ອ​ອຳນວຍຕໍ່​ສິ່ງ​ມີ​ຊີວິດ​ ລະບົບ​ສຸລິຍະ​ດັ່ງ​ກ່າວ​ຢູ່​ຫ່າງ​ຈາກ​ໂລກ​ 12 ປີ​ແສງ.​

ດາວ​ລືກ​ ຈີ​ເຈ​ 273 ເຊິ່ງ​ຮຽກ​ຕາມ​ນາມ​ຂອງ​ຜູ້​ຄົ້ນ​ພົບ​ວ່າ​ ດາວ​ຂອງ​ໄລ​ເທນ​ (Luyten’s star) ເປັນ​ດາວ​ລືກແຄະ​ແດງ​ ຢູ່ໃນ​ກຸ່ມ​ດາວ​ໝາ​ນ້ອຍ​ ເປ່ງ​ແສງ​ມົວໆ​ ມອງ​ດ້ວຍ​ຕາ​ເປົ່າ​ບໍ່​ເຫັນ​ ເທົ່າ​ທີ່​ຮູ້​ ມັນ​ມີ​ດາວ​ເຄາະ​ບໍລິວານ​ 2 ດວງ​ ໜຶ່ງ​ໃນ​ຈຳນວນ​ນີ້​ຢູ່ໃນ​ຕຳແໜ່ງ​ທີ່​ໜ້າ​ຈະ​ບໍ່​ຮ້ອນ ຫຼື ​ເຢັນ​ເກີນ​ໄປ​ສຳລັບ​ສິ່ງ​ມີ​ຊີວິດ​ ແລະ ​ອາດ​ມີ​ນ້ຳ​ໃນ​ສະພາບ​ຂອງ​ແຫຼວ​ ແລະ ​ຊັ້ນ​ບັນ​ຍາ​ກາດ.​

ການ​ສົ່ງ​ຂໍ້ຄວາມ​ດັ່ງ​ກ່າວ​ເປັນ​ກິດຈະກຳ​ໃນ​ງານ​ນິທັດສະ​ການ​ກ່ຽວກັບ​ຄື້ນ​ໂຊ​ນາ​ໃນ​ສະ​ເປນ​ ຜູ້​ອຳ​ນວຍ​ການ​ຈັດ​ງານ​ ຣິ​ຊາດ​ ໂຣ​ເບີນ​ ບອກ​ວ່າ​ ກິດຈະກຳ​ຕິດ​ຕໍ່​ດາວ​ເຄາະ​ GJ273b ດ້ວຍ​ຄື້ນ​ໂຊ​ນາ​ຄັ້ງນີ້​ ເກີດ​ຈາກ​ຄວາມ​ຢາກ​ຮູ້​ຂອງ​ມະນຸດ​ທີ່​ວ່າ​ ເຮົາ​ເປັນ​ພວກ​ດຽວ​ໃນ​​ຈັກກະວານ​ ຫຼື ບໍ່?​

ດັກ​ລາດ​ ວາ​ຄັອກ​ ປະ​ທານ​ເມ​ຕິ​ (Messaging Extraterrestrial Intelligence) ບອກ​ວ່າ​ ໂຄງ​ການ​ນີ້​ຈະ​ຖື​ວ່າປະ​ສົບ​ຜົນ​ສຳ​ເລັດຄັ້ງ​ໃຫຍ່​ຖ້າ​ໃນ​ອີກ​ 25 ປີ​ມີ​ຂໍ້ຄວາມ​ຕອບ​ກັບ​ມາຍັງ​ໂລກ.​

ແນວໃດ​ກໍ​ຕາມ​ ນັກ​ວິທະຍາ​ສາດ​ບາງ​ຄົນ​ ເຊັ່ນ:​ ສະ​ຕີ​ເຟນ​ ຮໍ​​ກິງ​ ບອກ​ວ່າ​ ການ​ຕິດ​ຕໍ່​ກັບ​ສິ່ງ​ມີ​ຊີວິດ​ນອກ​ໂລກ​ເປັນ​ເລື່ອງ​ອັນຕະລາຍ​ ມະນຸດ​ຕ່າງ​ດາວ​ອາດ​ຈະເລີນ​ກວ່າ​ເຮົາ​ ເລື່ອງ​ອາດ​ລົງ​ເອີຍ​ທຳນອງ​ດຽວ​ກັບ​ໂຄ​ລຳບັສ​ຄົ້ນ​ພົບ​ຊາວ​ອາ​ເມ​ລິກາ​ພື້ນ​ເມືອງ​ ເຫດການ​ອາດ​ຈົບ​ບໍ່​ງາມ.​

ຮໍ​​ກິງ​ ເຕືອນ​ອີກ​ວ່າ​ ຕໍ່​ໃຫ້​ມະນຸດ​ຕ່າງ​ດາວ​ບໍ່​ຄຸກ​ຄາມ​ເຮົາ​ ອາລິຍະທຳ​ຂອງ​ພວກ​ເຂົາອາດ​ລ້ຳ​ໜ້າ​ ກະ​ທັ້ງແນມ​ເຮົາ​ບໍ່​ຕ່າງ​ຈາກ​ທີ່​ເຮົາ​ແນມ​ແບັກ​ທີ​ເຣຍ​.​

ຂໍຂອບໃຈຂໍ້ມູນ: muan.sanook

-----------------------------------
ລາວຮ໋ອດຮິດ See New. Hear New. Feel New.