ຊັດເຈນຍິ່ງ​ຂຶ້ນ​! ຈີນ​ສົ່ງ​ “ເຟີງ​ອ​ວິ໋ນ​” ຂີ່ຈະຫຼວດ​ທະ​ລຸ​ຟ້າ​ ເສີມ​ທັບ​ພະຍາກອນ​ອາ​ກາດ​ໂລກ (ມີຄລິບ)

ຊັດເຈນຍິ່ງ​ຂຶ້ນ​! ຈີນ​ສົ່ງ​ “ເຟີງ​ອ​ວິ໋ນ​” ຂີ່ຈະຫຼວດ​ທະ​ລຸ​ຟ້າ​ ເສີມ​ທັບ​ພະຍາກອນ​ອາ​ກາດ​ໂລກ​

ມື້​ນີ້​ (15 ພະຈິກ​) ຈີນ​ໄດ້​ສົ່ງ​ “ເຟີງ​ອ​ວິ໋ນ​-3ດີ​” ດາວ​ທຽມ​ອຸ​ຕຸ​ນິຍົມ​ວິທະຍາ​ດວງ​ໃໝ່​ຂຶ້ນ​ສູ່​​ອະວະ​ກາດ​ ໂດຍ​ຍິງ​ຈະຫຼວດ​ຂົນ​ສົ່ງ​ລອງ​ມາ​ສ​-4ຊີ​ ອອກຈາກ​ສູນ​ປ່ອຍ​ດາວ​ທຽມ​ໄທຢວນ​ ແຂວງ​ຊານ​ຊີ​ທາງ​ຕອນ​ເໜືອ​ຂອງ​ປະເທດ​ ເມື່ອ​ເວລາ​ 2:35 ໂມງ​ ຕາມ​ເວລາ​ທ້ອງ​ຖິ່ນ​ປັກ​ກິ່ງ.​

ລາຍ​ງານລະ​ບຸ​ວ່າ​ດາວ​ທຽມ​ເຟີງ​ອ​ວິ໋ນ​-3ດີ​ (Fengyun-3D) ເປັນ​ໜຶ່ງ​ໃນ​ດາວ​ທຽມ​ອຸ​ຕຸ​ນິຍົມ​ວິທະຍາ​ທີ່​ມີວ​ົງ​ໂຄຈອນ​ຜ່ານ​ຂົ້ວ​ໂລກຮຸ່ນ​ສອງ​ຂອງ​ຈີນ​ ເຊິ່ງ​ສາມາດ​ຈັດ​ສົ່ງ​ພາບ​ຖ່າຍ​ສະພາບ​ອາ​ກາດ​ໂລກ​ແບບ​ສາມ​ມິ​ຕິ​ ແລະ​ ພາບ​ຖ່າຍ​ໄລຍະ​ໄກ​ແບບ​ຫຼາຍ​ຊ່ວງ​ຄື້ນ​.

ດາວ​ທຽມ​​ ຈະ​ສ້າງ​ເຄືອ​ຂ່າຍ​ກັບ​ດາວ​ທຽມ​ເຟີງ​ອ​ວິ໋ນ​-3ຊີ​ (Fengyun-3C) ເຊິ່ງ​ຖືກ​ສົ່ງ​ຂຶ້ນ​ສູ່ວ​ົງ​ໂຄຈອນ​ເມື່ອ​ເດືອນ​ກັນຍາ​ ປີ​ 2013 ເພື່ອ​ພັດທະນາ​ຄວາມ​ຊັດເຈນຂອງ​ການ​ກວດ​ວັດ​ຊັ້ນ​ບັນຍາ​ກາດ​ໂລກ​, ການ​ຕິດ​ຕາມ​ລະ​ດັບ​ກາສ​ເຮືອນ​ແກ້ວທີ່ເຮັດໃຫ້ເກີດພາວະໂລກຮ້ອນ​ ລວມ​ເຖິງ​ຊ່ວຍ​ການ​ປະຕິບັດ​ພາລະ​ກິດ​ກູ້​ໄພ​ພິບັດ​ຂອງ​ຈີນ.​

ທັງ​ນີ້​ດາວ​ທຽມ​ເຟີງ​ອ​ວິ໋ນ​-3ດີ​ ແລະ​ ຈະຫຼວ​ດຂົນ​ສົ່ງ​ລອງ​ມາ​ສ​-4ຊີ​ (Long March-4C) ໄດ້ຮັບ​ການ​ພັດທະນາ​ໂດຍ​ສຳ​ນັກ​ເຕັກ​ໂນ​ໂລຊີ​ການ​ບິນ​ອະວ​ະກາດ​ຊຽງ​ໄຮ​ (Shanghai Academy of Spaceflight Technology) ສັງ​ກັດ​ບໍລິສັດ​ວິທະຍາ​ສາດ​ ແລະ ​ເຕັກ​ໂນ​ໂລຊີ​ອະວ​ະກາດ​ແຫ່ງ​ປະເທດ​ຈີນ​ (China Aerospace Science and Technology Corporation).

ຂໍຂອບໃຈ
ຂໍ້ມູນ: muan.sanook

-----------------------------------
ລາວຮ໋ອດຮິດ See New. Hear New. Feel New.