ອົງການອານາໄມໂລກເຜີຍອັນດັບ " ເມືອງທີ່ມີມົນລະຜິດຫຼາຍທີ່ສຸດ"

ການ​ຈັດ​ອັນ​ດັບ​ຂອງ​ອົງ​​ການ​ອະນາໄມ​ໂລກ​ (WHO) ໃນ​ເລື່ອງ​ການ​ວັດ​ລະ​ດັບ​ມົນ​ພິດ​ທາງ​ອາ​ກາດ​ ທີ່​ວັດ​ຈາກ​ປະລິມານ​ຝຸ່ນ​ລະ​ອອງ​ຂະໜາດ​ໜ້ອຍ​ກວ່າ​ 2.5 ໄມ​ຄຣອນ​ໃນ​ບັນ​ຍາ​ກາດ​ ພົບ​ວ່າ​ໃນ​ 10 ອັນ​ດັບ​ທຳອິດ​ມີ​ເມືອງ​ໃນ​ອິນ​ເດຍ​ຕິດ​ອັນ​ດັບ​ເຖິງ​ 4 ເມືອງ​ນຳກັນ.​

ເມືອງ​ສ່ວນ​ໃຫຍ່​ທີ່​ຕິດ​ອັນ​ດັບ​ ມັກ​ປະ​ສົບ​ກັບ​ບັນຫາ​ມົນ​ພິດ​ທີ່​ເກີດ​ຈາກ​ໂຮງ​ງານ​ອຸດສາຫະກຳ​ ຫຼື​ ພາກ​ການ​ກະເສດ​ ແຕ່​ເມືອງ​ທີ່​ມີມ​ົນລະ​ພິດ​ສູງ​ທີ່ສຸດ​ໃນ​ໂລກ​ອັນ​ດັບ​ທີ​ 1 ຊໍ້າພັດ​ເປັນ​ເມືອງ​ຊາ​ໂບນ​ຂອງ​ອິ​ຣານ​ ເຊິ່ງ​ມົນລະ​ພິດ​ເກີດ​ຈາກ​ພາຍຸ​ຊາຍ​ຈຳນວນ​ຫຼາຍ​ໃນ​ຊ່ວງ​ໜ້າ​ຮ້ອນ​ ເຮັດໃຫ້​ເກີດ​ຝຸ່ນ​ຄວັນ​, ສ່ວນ​ອັນ​ດັບ​ທີ 2 ຄື​ເມືອງ​ກວາ​ລິ​ເອີ​ ໃນ​ລັດ​ມັດ​ທະຢຍະປະເທດ​ທາງ​ຕອນ​ເໜືອ​ຂອງ​ອິນ​ເດຍ.​ ນອກ​ຈາກ​ນີ້​ໃນ​ 10 ອັນ​ດັບ​ຍັງມີ​ເມືອງ​ຂອງ​ອິນ​ເດຍ​ອີກ​ 3 ເມືອງ​ໄດ້​ແກ່​ ອັນ​ລໍ​ຮາ​ບາດ​, ປັດ​ຕະນາ​ ແລະ ​ໄຣ​ປູ.​

ສ່ວນ​ເມືອງ​ຫຼວງ​ຂອງ​ອິນ​ເດຍ​ແມ່ນ ກຸງ​ນິວ​ເດ​ລີ​ ຕິດ​ອັນ​ດັບ​ຢູ່​ທີ 11 ສ່ວນ​ໃນ​ປະເທດ​ອື່ນ​ໆ​ ກຸງ​ໂດ​ຮາ​ຂອງ​ກາ​ຕາ​ຢູ່​ໃນ​ອັນ​ດັບ​ທີ 42, ກຸງ​ປັກ​ກິ່ງ​ຂອງ​ຈີນ​ຢູ່​ອັນ​ດັບ​ທີ​ 57, ກຸງ​ອາ​ບູ​ດາ​ບີ​ຂອງ​ສ​ະຫະລັດ​ອາ​ຣັບ​ເອ​ມິ​ເຣດ​​ຢູ່​ທີ່​ອັນ​ດັບ​ 193 ສ່ວນ​ເພື່ອນບ້ານເຮົາຢ່າງ ໄທ​ ມີ​ແຂວງ​ນະຄອນ​ສະຫວັນ​ທີ່​ຕິດ​ອັນ​ດັບ​ທີ 482.

ອົງ​​ການ​ອະນາໄມ​ໂລກ​ໄດ້​ກຳນົດ​ເກນ​ໄວ້​ວ່າ​ ປະລິມານ​ຝຸ່ນ​ລະ​ອອກ​ຂະໜາດ​ນ້ອຍ​ກວ່າ​ 2.5 ໄມ​ຄຣອນ​ໃນ​ບັນ​ຍາ​ກາດ​ທີ່​ກວດ​ວັດ​ໄດ້​ ບໍ່​ຄວນ​ເກີນ​ 25 ໄມ​ໂຄຣ​ກຣາມ​ຕໍ່​​ແມັດກ້ອນ​ໃນ​ 24 ຊົ່ວ​ໂມງ​ ແລະ ​ສະເ​ລ່ຍ​ບໍ່​ເກີນ​ 10 ໄມ​ໂຄຣ​ກຣາມ​ຕໍ່​ແມັດກ້ອນ​ໃນ​ 1 ປີ​ ເພາະ​ຫາກ​ປະຊາຊົນ​ສູບ​ດົມ​ໃນ​ປະລິມານ​ຫຼາຍ​ ອາດ​ສົ່ງ​ຜົນ​ໃຫ້​ເກີດ​ພະຍາດ​ທີ່​ກ່ຽວ​ຂ້ອງ​ກັບ​ທາງເດີນ​ຫາຍ​ໃຈ,​ ຫຼອດ​ເລືອດ​ ແລະ ​ອາດ​ກໍ່​ໃຫ້​ເກີດ​ພະຍາດ​ມະ​ເຮັງ​ໄດ້.​

ເອົາມາໃຫ້ເບິ່ງ 5 ປະເທດ
1 ກາຍອານາ

2 ເກົາຫຼີເໜືອ

3 ເກົາຫຼີໃຕ້

4 ສີລັງກາ

5 ລິທົວເນຍ

ຂອບໃຈຂໍ້ມູນຈາກ : muan.sanook.com

-----------------------------------
ລາວຮ໋ອດຮິດ See New. Hear New. Feel New.