ຈັບໂຕອໍແກໄນເຊີທີ່ຮັບຈັດງານແຕ່ງ 'ແອັບ​ເປິ້ນ​ ສີ​ສະ​ຫງຽນ' ຫຼັງ​ໂກງ​ເງິນ​ງານ​ແຕ່ງ​ຫລາຍຮ້ອຍລ້ານ​

ຕຳ​ຫລວດ​ໄດ້ເຂົ້າຈັບ​ກຸມໂ​ຕ​ເຈົ້າຂອງບໍລິສັດທີ່ຮັບຈັດງານແຕ່ງໃຫ້ ແອັບ​ເປີ້ນ​ ສີ​ສະ​ຫງຽນ​ ແລະ ຟຸກ ຈິຣະ ດ່ານບະວອນກຽດ ທີ່​ນະຄອນຫລວງວຽງຈັນແລ້ວ​ ຫຼັງຈາກທີ່ພົບວ່າຕັ້ງໃຈ​ໂກງ​ເງິນ​ງານ​ແຕ່ງດອງຂອງທັງສອງ ຈົນເຮັດໃຫ້ງານແຕ່ງເກືອບຫລົ້ມ.​

ເປັນກະ​ແສທີ່ສັງຄົມໃຫ້ຄວາມສົນໃຈຢູ່ບໍ່ໜ້ອຍ ກັບກໍລະນີຂອງງານແ​ຕ່ງ ຟ​ຸກ​ ຈິ​ຣະ​ ແລະ ແອັບເປິ້ນສີສະຫງຽນ ທີ່ໄດ້ອອກມາຊີ້ແຈງເຖິງປະເດັນທີ່ຖືກທີມງານທີ່ສະເໜີມາຮັບຈັດງານແຕ່ງຂອງທັງຄູ່ທີ່ປະເທດລາວ ເມື່ອວັນທີ 8 ພະຈິກທີ່ຜ່ານມາ ແຕ່ກັບຖືກຕົ້ມເງິນໄປຫລາຍແສນບາດ ເຊິ່ງທັງສອງກໍໄດ້ບອກວ່າ ພວກຕົນໄດ້​ຊຳ​ລະ​ເງິນດັ່ງກ່າວໄປລ່ວງ​ໜ້າ​ກ່ອນ​ມື້​ງານ​ເປັນ​ທີ່​ຮຽບຮ້ອຍ​ ແຕ່​ງານ​ຊໍ້າພັດບໍ່​ເປັນດັ່ງທີ່ຄິດ​ ເມື່ອທາງອໍແກໄນເຊີບໍ່ໄດ້ຈັດກຽມຫຍັງໃຫ້ເປັນທີ່ຮຽບຮ້ອຍ ຈົນເຮັດໃຫ້ທັງສອງຕ້ອງໄດ້ໃຫ້ທີມໃໝ່ມາຈັດງານດັ່ງກ່າວພາຍໃນເວລາພຽງແຕ່ບໍ່ເທົ່າໃດຊົ່ວໂມງກ່ອນງານຈະເລີ່ມ​​.

ແອັບເປິ້ນເອງກໍໄດ້ບອກວ່າທີມງານທີ່ມາສະເໜີຈັດງານໃຫ້ນັ້ນເປັນໝູ່ກັນມາຕັ້ງແຕ່ຍັງນ້ອຍ ຕົນຈຶ່ງເຊື່ອໃຈ ແລະໃຫ້ເງິນມັດຈໍາໄປເປັນຈໍານວນຫລາຍ ແລະ ​ດ້ວຍ​ຄວາມ​ທີ່​ເຂົາ​ເປັນຄົນທີ່ມີ​ຄວາມ​ຕັ້ງ​ໃຈ​ທີ່​ຢາກ​ຈະ​ເຮັດວຽກ​ນີ້​ຫລາຍ​ ແລະທັງ ສອ​ງກໍໄດ້​ເປີດເຜີຍວ່າໄດ້ຈ່າຍ​ໄປ​ແລ້ວ​ 3 ງວດ​ ຕົກເປັນ​ເງິນ​ປະ​ມານ​ 8 ແສນ​ກວ່າ​ບາດ (200 ກວ່າລ້ານ)​ ແຕ່ທາງທີມງານບໍ່ໄດ້ເອົາເງິນນັ້ນໄປຈ່າຍຫຍັງຕາມທີ່ຕົກລົງໄວ້ເລີຍ ແລະໃນງານກໍບໍ່ມີຄວາມພຽບພ້ອມຫຍັງເລີຍ.

ຫລັງຈາກນັ້ນທັງສອງກໍໄດ້ມີການໄກ່ເກ່ຍ​ກັນ​ ເພາະ​ຫຼັງ​ຈາກ​ວັນທີ​ 8 ພ​ະ​ຈິ​ກ​ ກໍບໍ່ສາມາດຕິດຕໍ່ເຂົາໄດ້​ ຈົນເຮັດໃຫ້ທັງສອງຕ້ອງອອກມາ​ໄລ​ຟ໌​ເພື່ອຊື້ແຈງກັບເຫດການດັ່ງກ່າວ​ ເຊິ່ງຫລັງຈາກທີ່ໄລ​ຟ໌​ໄປ​ກໍ​ຕິດ​ຕໍ່​ໄດ້​ທັນ​ທີ​ເລີຍ​ ແລ້ວທາງທີມອໍແກໄນ​ເຊີກໍ​ຍອມ​ຮັບ​ຜິດ​ ແລະຂໍ​ເລື່ອນ​ຈ່າຍ​ໄປ​ເລື້ອຍໆ​ ແຕ່ກໍບໍ່ມີທ່າທີວ່າຈະໄດ້ເງິນຄືນ ທັງແອັບເປິ້ນ ແລະ ຟຸກ ກໍເລີຍ​ຕັດ​ສິນ​ໃຈ​ຕ້ອງ​ດຳ​ເນີນ​ຄະດີ​ ກໍ​ຈັບ​ຄຸມໂ​ຕ​ໄວ້​ກ່ອນ​ ຕອນ​ນີ້​ກໍ​ຍັງ​ຢູ່ໃນ​ຄວາມ​ເບິ່ງ​ແຍງ​ຂອງ​ຕຳ​ຫລວດ​ທີ່​ປະເທດລາວ​​ເປັນຄົນຈັດການ​.

ຂອບໃຈ
ຂໍມູນຈາກ : ມ່ວນ


-----------------------------------
ລາວຮ໋ອດຮິດ See New. Hear New. Feel New.