ສຽງແຄນລາວນັບເປັນມໍລະດົກທາງພູມປັນຍາ ປະກາດໂດຍ ອົງການຍູເນສໂກ (UNESCO) (ມີຄລິບ)

ວັນພະຫັດ ທີ 7 ທັນວາ 2017 ທີ່ຜ່ານມານີ້, ໃນກອງປະຊຸມຄະນະກຳມະການດ້ານພູມປັນຍາທາງວັດທະນະທຳ ອົງການສຶກສາ ວິທະຍາສາດ ແລະວັດທະນະທຳ (UNESCO) ໃນລະຫວ່າງວັນທີ 4-9 ທັນວາ 2017 ທີ່ເກາະເຊຈູ ປະເທດເກົາຫຼີໃຕ້ ໄດ້ປະກາດ “ສຽງແຄນລາວ” ຂຶ້ນເປັນມໍລະດົກພູມປັນຍາທາງວັດທະນະທຳ ທີ່ຈັບຕ້ອງບໍ່ໄດ້ ແລະຖືກຮັບຮອງຢ່າງເປັນທາງການຈາກກອງປະຊຸມດັ່ງກ່າວ.

ເຫດການດັ່ງກ່າວນີ້ ຖືເປັນຄວາມພາກພູມໃຈຂອງຄົນລາວໂດຍສັນຊາດ ກໍຄືຊົນເຜົ່າລາວທົ່ວໂລກ ເນື່ອງຈາກວ່າແຄນ ແມ່ນດົນຕີພື້ນເມືອງທີ່ເປັນເອກະລັກຂອງຊົນເຜົ່າລາວທຸກຄົນທັງໃນແລະຢູ່ຕ່າງປະເທດ ທີ່ມີມາແຕ່ບູຮານນະການ.

ທຸກຊົນເຜົ່າໃນລາວລ້ວນແຕ່ຮູ້ຈັກແຄນແລະຮູ້ໃຊ້ແຄນເປັນເຄື່ອງດົນຕີປະສານສຽງຂັບສຽງລຳຂອງຊົນເຜົ່າຕົນຢ່າງກົມກືນ ເຊິ່ງອາດຈະແຕກຕ່າງທາງດ້ານຈັງຫວະທຳນອງເປັນເອກະລັກສະເພາະຂອງແຕ່ລະທ້ອງຖິ່ນ ແລະຮູບລັກສະນະຂອງແຄນກໍແຕກຕ່າງກັນໃນບາງຊົນເຜົ່າ ເຊັ່ນ ຊົນເຜົ່າມົ້ງ ແລະ ຊົນເຜົ່າລາວເທິງ ກໍຈະມີແຄນເປັນເອກະລັກຂອງເຜົ່າໄປອີກແບບໜຶ່ງ.

ຄລິບ

-----------------------------------
ລາວຮ໋ອດຮິດ See New. Hear New. Feel New.